Follow by Email

Friday, July 23, 2021

SERIKALI YAWATOA HOFU MABALOZI KUHUSU MAPAMBANO YA UVIKO 19

 Na Mwandishi wetu, Dar

Serikali imewaeleza Mabalozi njia mbalimbali inazozitumia kudhibiti maambukizi ya virusi vya corona ikiwa ni pamoja na kuridhia uingizwaji wa chanjo ya Uviko 19 kwa Balozi, Taasisi na Mashirika ya Kimataifa yanayotaka kufanya hivyo.

Waziri wa Mambo ya Nje na Ushirikiano wa Afrika Mashariki, Balozi Liberata Mulamula (Mb) amewaeleza baadhi ya Mabalozi wanaotoka katika nchi za Kiislamu wakati alipokutana nao kwa ajili ya kuhitimisha sherehe za Eid El Haj leo jijini Dar es Salaam.

Pia Balozi Mulamula amefafanua kuhusiana na maswali aliyokuwa akiulizwa na baadhi ya mbalozi juu ya chanjo ya kukabiliana na ugonjwa wa Uviko 19 na kusema kuwa hakuna Balozi, Taasisi au Mashirika ya Kimataifa yalizuiliwa kuingiza chanjo kwaajili ya kuwachanja watu wao na kuwasihi kutoa taarifa kwa wizara ya Afya ili kuwezesha namna bora ya kuratibu na kupokea chanjo hizo.

“…….Naomba niwahakikishie waheshimiwa mabalozi kuwa Serikali yetu ni sikivu sana, nimekuwa nikiulizwa maswali mbalimbali kuhusu uingizwaji wa chanjo kwa ajili ya kuwachanja watumishi katika balozi zenu hapa nchini ila naomba msisite kuwasiliana na Wizara ya Afya kwa ajili ya kuratibu njia bora ya kupata chanjo hiyo,” Amesema Balozi Mulamula.

Katika tukio jingine, Waziri wa Mambo ya Nje na Ushirikiano wa Afrika Mashariki, Balozi Liberata Mulamula amekutana na kufanya mazungumzo na Balozi wa Canada nchini Mhe. Pamela O'Donnell pamoja na Balozi wa Uingereza nchini Mhe. David Concar.

Balozi Mulamula amekutana na mabalozi hao kwa nyakati tofauti katika Ofisi ndogo za Wizara Jijini Dar es Salaam ambapo awali amekutana na Balozi wa Canada nchini, Mhe. Pamela O'Donnell akifuatiwa na Balozi wa Uingereza nchini Mhe. David Concar kwa lengo la kujadiliana masuala mbalimbali ya uhusiano wa kidiplomasia baina ya Tanzania na nchi zao.  

Pamoja na mambo mengine, viongozi hao wamejadili masuala mbalimbali ya kuendeleza na kuimarisha ushirikiano wa uwili (Bilateral Cooperation).

Waziri wa Mambo ya Nje na Ushirikiano wa Afrika Mashariki, Balozi Liberata Mulamula akimsikiliza Balozi wa Palestina nchini, Mhe. Hamdi Mansour wakati alipokutana na Mabalozi wanaotoka katika nchi za Kiislamu kwa ajili ya kuhitimisha sherehe za Eid El Haj leo jijini Dar es Salaam 


Balozi wa Visiwa vya Comorro nchini, Mhe. Dkt. Ahmada El Badaoui Mohammed akimkaribisha Waziri wa Mambo ya Nje na Ushirikiano wa Afrika Mashariki, Balozi Liberata Mulamula katika hafla kuhitimisha sherehe za Eid El Haj leo jijini Dar es Salaam 


Waziri wa Mambo ya Nje na Ushirikiano wa Afrika Mashariki, Balozi Liberata Mulamula akiongea na Mabalozi wanaotoka katika nchi za Kiislamu alipokutana nao kwa ajili ya kuhitimisha sherehe za Eid El Haj leo jijini Dar es Salaam 


Waziri wa Mambo ya Nje na Ushirikiano wa Afrika Mashariki, Balozi Liberata Mulamula akiwa na Naibu Katibu Mkuu Wizara ya Mambo ya Nje na Ushirikiano wa Afrika Mashariki, Balozi Fatma Mohammed Rajab pamoja na baadhi ya Wakurugenzi wa Idara mbalimbali za Wizara wakiwa katika picha ya pamoja na Mabalozi wanaotoka katika nchi za Kiislamu  mara baada ya kuhitimisha sherehe za Eid El Haj leo jijini Dar es Salaam 


Waziri wa Mambo ya Nje na Ushirikiano wa Afrika Mashariki, Balozi Liberata Mulamula akizungumza na Balozi wa Canada hapa nchini Mhe.  Pamela O'Donnell wakati walipokutana kwa Mazungumzo katika Ofisi ndogo za Wizara jijini Dar es Salaam


Waziri wa Mambo ya Nje na Ushirikiano wa Afrika Mashariki, Balozi Liberata Mulamula akizungumza na Balozi wa Uingereza hapa nchini Mhe. David Concar wakati walipokutana kwa Mazungumzo katika Ofisi ndogo za Wizara jijini Dar es Salaam



Thursday, July 22, 2021

BALOZI MULAMULA AMUAGA BALOZI WA INDIA

 Na mwandishi wetu, Dar

Waziri wa Mambo ya Nje na Ushirikiano wa Afrika Mashariki, Balozi Liberata Mulamula (Mb) amemuaga Balozi wa India hapa nchini, Mhe. Sanjiv Kohli ambaye amemaliza muda wake wa uwakilishi nchini.

Akiongea katika hafla ya kumuaga balozi wa India iliyofanyika leo katika Ofisi Ndogo za Wizara Jijini Dar es Salaam, Waziri Mulamula amempongeza Balozi Kohli kwa kazi nzuri aliyoifanya ya kudumisha uhusiano wa kidiplomasia kati ya India na Tanzania.

Pamoja na mambo mengine, Balozi Mulamula amemuahidi Balozi Kohli kuwa Tanzania itaendelea kushirikiana na India katika sekta za elimu, afya, maji, kilimo, tehama na utalii kwa maslahi mapana ya nchi zote mbili.

"Kwa niaba ya Serikali ya Tanzania nakuahidi ushirikiano kutoka kwetu, nakutakia kila la kheri katika maisha yako nje ya Tanzania na ni imani yangu kuwa utakuwa balozi mzuri wa Tanzania duniani," Amesema Balozi Mulamula

Kwa upande wake Balozi Kohli ameishukuru Serikali ya Tanzania kwa kumpa ushirikiano wa kutosha wakati wa kipindi chake cha uwakilishi hapa nchini.

Balozi Kohli ameelezea kufurahishwa na uhusiano mzuri uliopo baina ya India na Tanzania na amepongeza hatua mbalimbali ambazo Serikali ya Tanzania imeendelea kuzichukua katika kuimarisha diplomasia ya uchumi.

Waziri wa Mambo ya Nje na Ushirikiano wa Afrika Mashariki, Balozi Liberata Mulamula akimkaribisha Balozi wa India aliyemaliza muda wake wa uwakilishi hapa nchini, Mhe. Sanjiv Kohli katika Ofisi Ndogo za Wizara Jijini Dar es Salaam


Balozi wa India aliyemaliza muda wake wa uwakilishi hapa nchini, Mhe. Sanjiv Kohli akiongea na Waziri wa Mambo ya Nje na Ushirikiano wa Afrika Mashariki, Balozi Liberata Mulamula katika Ofisi Ndogo za Wizara Jijini Dar es Salaam


Waziri wa Mambo ya Nje na Ushirikiano wa Afrika Mashariki, Mhe. Balozi Libarata Mulamula akimueleza jambo Balozi wa India aliyemaliza muda wake wa uwakilishi hapa nchini, Mhe. Sanjiv Kohli


Maongezi baina ya Waziri wa Mambo ya Nje na Ushirikiano wa Afrika Mashariki, Balozi Libarata Mulamula na Balozi wa India aliyemaliza muda wake wa uwakilishi hapa nchini, Mhe. Sanjiv Kohli yakiendelea


Waziri wa Mambo ya Nje na Ushirikiano wa Afrika Mashariki, Balozi Libarata Mulamula akimkabidhi zawadi ya picha ya Mlima Kilimanjaro Balozi wa India anayemaliza muda wa uwakilishi nchini, Mhe. Sanjiv Kohli



WAZIRI WA MAMBO YA NJE NA USHIRIKIANO WA AFRIKA MASHARIKI BALOZI LIBERATA MULAMULA (Mb) AMEKUTANA NA WAZIRI MKUU MSTAAFU WA UINGEREZA MHE. TONY BLAIR

Waziri wa Mambo ya Nje na Ushirikiano wa Afrika Mashariki Balozi Liberata Mulamula (Mb) amekutana na kufanya mazungumzo na Mwenyekiti Mtendaji wa Taasisi ya Mabadiliko Ulimwenguni (Tony Blair Institute for Global Change) ambaye pia ni Waziri Mkuu Mstaafu wa Uingereza Mhe. Tony Blair.

Mhe. Blair baadae atakutana kea mazungumzo na Rais wa Jamhuri ya Muungano wa Tanzania Mhe. Samia Suluhu Hassan Ikulu - Dar es Salaam.


 Waziri wa Mambo ya Nje na Ushirikiano wa Afrika Mashariki Balozi Liberata Mulamula (Mb) akiwa na  Mwenyekiti Mtendaji wa Taasisi ya Mabadiliko Ulimwenguni (Tony Blair Institute for Global Change) ambaye pia ni Waziri Mkuu Mstaafu wa Uingereza Mhe. Tony Blair pamoja na ujumbe uliombatana nae.

Mhe. Blair baadae atakutana kea mazungumzo na Rais wa Jamhuri ya Muungano wa Tanzania Mhe. Samia Suluhu Hassan Ikulu - Dar es Salaam.

Tuesday, July 20, 2021

FINLAND YAIPONGEZA TANZANIA KWA MAENDELEO, UTAWALA BORA NA UHURU WA HABARI

 Na Mwandishi wetu, Dar

Nchi ya Finland imeipongeza Tanzania kwa hatua mpya za kimaendeleo katika nyanja za ushirikishwaji wa sekta binafsi, uhuru wa vyombo vya habari,utawala bora na haki za binadamu pamoja na mapambano dhidi ya UVIKO 19.

Balozi wa Finland hapa nchini Mhe. Riitta Swan ametoa pongezi hizo wakati alipokutana kwa mazungumzo na Waziri wa Mambo ya Nje na Ushirikiano wa Afrika Mashariki Balozi Liberata Mulamula (Mb) katika Ofisi Ndogo za Wizara Jijini Dar es Salaam.

Balozi Swan amesema uamuzi wa Serikali ya Tanzania wa kukuza sekta binafsi, uhuru wa vyombo vya habari, kutoa kipaumbele kwa masuala ya utawala bora na haki za binadamu ikiwemo suala la kujiunga na mpango wa chanjo dhidi ya UVIKO 19 ni hatua inayopaswa kupongezwa.

“……….pamoja na masuala mengine suala la Tanzania kukubali chanjo dhidi ya ugonjwa wa UVIKO 19 ni maendeleo mazuri sana kwa Taifa hili,” amesema Balozi Swan

Balozi Swan pamoja na mambo mengine, amejadiliana na Balozi Mulamula masuala mbalimbali ya kuimarisha na kukuza ushirikiano baina ya Finland na Tanzania.

Waziri wa Mambo ya Nje na Ushirikiano wa Afrika Mashariki, Balozi Liberata Mulamula amesema Tanzania na Finland zimekuwa na ushirikiano wa muda mrefu tangu Tanzania ilipopata Uhuru ambapo Finland imekuwa ikisaidia kukuza na kuendeleza sekta za kimaendeleo hususan Elimu, Afya, Utalii, Mazingira pamoja na Maliasili. 

“Katika jitihada za kuendeleza ushirikiano wetu na Finland,imeandaa mpango mkakati wa maendeleo katika nyanja mbalimbali kama vile masuala ya misitu, utawala bora, haki za binadamu na masuala ya kuendeleza wanawake ambapo nimepokea rasimu ya mpango huo leo na nitaufanyia kazi ili tuweze kuendeleza ushirikiano wetu kwa maslahi ya mataifa yetu,” Amesema Balozi Mulamula 

Balozi huyo wa Finland amekutana na Balozi Mulamula kwa lengo la kuwasilisha mpango mkakati wa miaka minne wa Finland katika nyanja za mashirikiano na Mataifa mengine ikiwemo kukuza na kuendeleza diplomasia ya uchumi kupitia biashara na uwekezaji.

Waziri wa Mambo ya Nje na Ushirikiano wa Afrika Mashariki Balozi Liberata Mulamula (Mb) akimkaribisha Balozi wa Finland hapa nchini Mhe. Riitta Swan wakati walipokutana kwa mazungumzo katika Ofisi Ndogo za Wizara Jijini Dar es Salaam


Waziri wa Mambo ya Nje na Ushirikiano wa Afrika Mashariki Balozi Liberata Mulamula (Mb) akiteta jambo jambo na Balozi wa Finland nchini Mhe. Riitta Swan wakati wa mazungumzo yaliyofanyika katika Ofisi Ndogo za Wizara Jijini Dar es Salaam


Balozi wa Finland nchini Mhe. Riitta Swan akimuelezea jambo Waziri wa Mambo ya Nje na Ushirikiano wa Afrika Mashariki Balozi Liberata Mulamula (Mb) wakati wa mazungumzo baina yao yaliyofanyika katika Ofisi Ndogo za Wizara Jijini Dar es Salaam


Maongezi baina ya Balozi wa Finland Mhe. Riitta Swan na Waziri wa Mambo ya Nje na Ushirikiano wa Afrika Mashariki Balozi Liberata Mulamula yakiendelea katika Ofisi Ndogo za Wizara Jijini Dar es Salaam




Monday, July 19, 2021

BALOZI MULAMULA ASAINI KITABU CHA MAOMBOLEZO UBALOZI WA PAKISTAN

Waziri wa Mambo ya Nje na Ushirikiano wa Afrika Mashariki, Balozi Liberata Mulamula (Mb) amesaini kitabu cha maombolezo Ubalozi wa Pakistan hapa nchini kufuatia kifo cha Rais mstaafu wa Pakistan Hayati Mamnoon Hussain aliyefariki Julai 14, 2021.

Waziri wa Mambo ya Nje na Ushirikiano wa Afrika Mashariki, Balozi Liberata Mulamula (Mb) akisaini kitabu cha maombolezo Ubalozi wa Pakistan hapa nchini kufuatia kifo cha Rais mstaafu wa Pakistan Hayati Mamnoon Hussain aliyefariki Julai 14, 2021

Picha ya Rais mstaafu wa Pakistan Hayati Mamnoon Hussain

Waziri wa Mambo ya Nje na Ushirikiano wa Afrika Mashariki, Balozi Liberata Mulamula (Mb) akiongea na Balozi wa Pakistan nchini, Mhe. Mohammad Saleem mara baada ya kusaini kitabu cha Maombolezo kufuatia kifo cha Rais mstaafu wa Pakistan Hayati Mamnoon Hussain aliyefariki Julai 14, 2021






Waziri wa Mambo ya Nje na Ushirikiano wa Afrika Mashariki, Balozi Liberata Mulamula (Mb) akiagana na Balozi wa Pakistan nchini, Mhe. Mohammad Saleem mara baada ya kusaini kitabu cha Maombolezo kufuatia kifo cha Rais mstaafu wa Pakistan Hayati Mamnoon Hussain aliyefariki Julai 14, 2021



TANZANIA NA UMOJA WA ULAYA ZAAHIDI KUIMARISHA USHIRIKIANO

 Na Mwandishi wetu, Dar

Serikali ya Jamhuri ya Muungano wa Tanzania na Umoja wa Ulaya (EU) zimeahidi kuimarisha ushirikiano kwa maslahi ya pande zote mbili.

Hayo yamesemwa kwenye mkutano kati ya Katibu Mkuu wa Wizara ya Mambo ya Nje na Ushirikiano wa Afrika Mashariki, Balozi Joseph Sokoine na Balozi wa Umoja wa Ulaya (EU) hapa nchini, Mhe. Manfredo Fanti, uliofanyika katika Ofisi Ndogo za Wizara Jijini Dar es Salaam.

Balozi Sokoine ameeleza kuwa Serikali ya Tanzania inaridhishwa na uhusiano mzuri uliopo kati ya Tanzania na Umoja wa Ulaya ambao umepelekea kuzaa matunda yenye manufaa kwa pande zote mbili. Aidha, ameahidi kuendelea kuimarisha uhusiano huo kwa maslahi ya pande zote.

Kwa upande wake, Balozi wa Umoja wa Ulaya (EU) hapa Nchini, Mhe. Manfredo Fanti amesema Umoja huo utaendelea kushirikiana na Serikali ya Tanzania katika kutekeleza miradi mbalimbali ya maendeleo.

“Napenda kukuhakikishia kuwa Umoja wa Ulaya utaendelea kushirikiana kwa ukaribu na Tanzania kwa ajili ya kuleta maendeleo ya wananchi wake,” amesema Balozi Fanti.

Katika tukio jingine, Katibu Mkuu, Wizara ya Mambo ya Nje na Ushirikiano wa Afrika Mashariki, Balozi Joseph Sokoine pia amekutana kwa mazungumzo na Kaimu Balozi wa China hapa Nchini Mhe. Xu Chen katika Ofisi Ndogo za Wizara Jijini Dar es Salaam.

Pamoja na mambo mengine, viongozi hao wawili walijadili masuala mbalimbali ya kuendeleza na kuimarisha ushirikiano wa uwili (Bilateral Cooperation).

Katibu Mkuu Wizara ya Mambo ya Nje na Ushirikiano wa Afrika Mashariki, Balozi Joseph Sokoine akiongea na Balozi wa Umoja wa Ulaya (EU) hapa nchini, Mhe. Manfredo Fanti wakati walipokutana kwa mazungumzo katika Ofisi Ndogo za Wizara Jijini Dar es Salaam


Balozi wa Umoja wa Ulaya (EU) hapa nchini, Mhe. Manfredo Fanti akimuelezea jambo Katibu Mkuu Wizara ya Mambo ya Nje na Ushirikiano wa Afrika Mashariki, Balozi Joseph Sokoine wakati walipokutana kwa mazungumzo katika Ofisi Ndogo za Wizara Jijini Dar es Salaam


Mazungumzo baina ya Katibu Mkuu Wizara ya Mambo ya Nje na Ushirikiano wa Afrika Mashariki, Balozi Joseph Sokoine na Balozi wa Umoja wa Ulaya (EU) hapa nchini, Mhe. Manfredo Fanti yakiendelea 

Katibu Mkuu Wizara ya Mambo ya Nje na Ushirikiano wa Afrika Mashariki, Balozi Joseph Sokoine akimueleza jambo Kaimu Balozi wa China hapa nchini, Mhe. Xu Chen wakati walipokutana kwa mazungumzo katika Ofisi Ndogo za Wizara Jijini Dar es Salaam


Kaimu Balozi wa China hapa nchini, Mhe. Xu Chen akiongea na Katibu Mkuu Wizara ya Mambo ya Nje na Ushirikiano wa Afrika Mashariki, Balozi Joseph Sokoine wakati walipokutana kwa mazungumzo katika Ofisi Ndogo za Wizara Jijini Dar es Salaam


Mazungumzo baina ya Katibu Mkuu Wizara ya Mambo ya Nje na Ushirikiano wa Afrika Mashariki, Balozi Joseph Sokoine na Kaimu Balozi wa China hapa nchini, Mhe. Xu Chen yakiendelea 



Thursday, July 15, 2021

WAZIRI MKUU MSTAAFU WA ETHIOPIA AHAMASISHA KILIMO KAMA NJIA YA KUONDOKANA NA UMASIKINI NCHINI

Waziri wa mambo ya Nje na Ushirikiano wa Afrika Mashariki Balozi Liberata Mulamula (Mb) akiwa katika mazungumzo na Mwenyekiti wa Taasisi ya Mapinduzi ya kijani Afrika yaani Allience for a Green Revolution in Afrika (AGRA) ambaye pia ni Waziri Mkuu Mstaafu wa Ethiopia Mhe Hailemariam Dessalegn,Jijini Dar es Salaam.
Waziri wa mambo ya Nje na Ushirikiano wa Afrika Mashariki Balozi Liberata Mulamula (Mb) akiwa katika mazungumzo na Mwenyekiti wa Taasisi ya Mapinduzi ya kijani Afrika yaani Allience for a Green Revolution in Afrika (AGRA) ambaye pia ni Waziri Mkuu Mstaafu wa Ethiopia Mhe Hailemariam Dessalegn pamoja na ujumbe walioambatana nao Jijini Dar es Salaam

Waziri wa mambo ya Nje na Ushirikiano wa Afrika Mashariki Balozi Liberata Mulamula (Mb) akiwa katika picha ya pamoja na  Mwenyekiti wa Taasisi ya Mapinduzi ya kijani Afrika yaani Allience for a Green Revolution in Afrika (AGRA) ambaye pia ni Waziri Mkuu Mstaafu wa Ethiopia Mhe Hailemariam Dessalegn mara baada ya mazungumzo yaliyofanyika Dar es Salaam
Waziri wa mambo ya Nje na Ushirikiano wa Afrika Mashariki Balozi Liberata Mulamula (Mb) wakiwa katika picha ya pamoja na  Mwenyekiti wa Taasisi ya Mapinduzi ya kijani Afrika yaani Allience for a Green Revolution in Afrika (AGRA) ambaye pia ni Waziri Mkuu Mstaafu wa Ethiopia Mhe Hailemariam Dessalegn pamoja na baadhi ya Wajumbe walioambatana nao mara baada ya mazungumzo yaliyofanyika Dar es Salaam,Julai 15,2021.(Mwisho kushoto aliyevaa kilemba cheusi ni Balozi Naimi Azizi,Mkurugenzi wa Idara ya Afrika,Wizara ya Mambo ya Nje na Ushirikiano wa Afrika Mashariki)


WAZIRI MKUU MSTAAFU WA ETHIOPIA AHAMASISHA KILIMO KAMA NJIA YA KUONDOKANA NA UMASIKINI NCHINI


Tanzania imetakiwa kuwekeza zaidi katika sekta ya kilimo ili kuifanya nguvu ya Tanzania kuingia katika uchumi wa kati ionekane kwa wananchi walio wengi kutokana na uwepo wa fursa ya eneo kubwa la ardhi yenye rutuba.

 

Mwenyekiti wa Taasisi ya Mapinduzi ya kijani Afrika yaani Allience for a Green Revolution in Afrika (AGRA) ambaye pia ni Waziri Mkuu Mstaafu wa Ethiopia Mhe Hailemariam Dessalegn ameyasema hayo alipokutana na kufanya mazungumzo na Waziri wa Mambo ya Nje na Ushirikiano wa Afrika Mashariki Balozi Liberata Mulamula Jijini Dar es Salaam na kuongeza kuwa Tanzania ina eneo kubwa lenye rutuba kwa kilimo cha zao lolote na hivyo endapo sekta hiyo itapewa kipaumbele njia muafaka ya kuwaondoa katika umasikini wananchi wake.


Ameongeza kuwa Rais Mstaafu wa awamu ya nne Mhe. Jakaya Mrisho Kikwete ni mjumbe katika Taasisi hiyo ambayo imekuwa ikihamasisha kilimo kwa ajili ya usalama wa chakula lakini pia kilimo cha biashara kwa kuangalia miradi na mpango wa kitaifa wa uendelezaji wa kilimo na kwa hapa Tanzania Taasisi hiyo imesaidia katika upatikanaji wa mbegu bora,mafunzo,umwagiliaji pamoja na utoaji wa mitaji kwa ajili ya kuwajengea uwezo wanawake katika sekta hiyo.

 

Katika tukio jingine Waziri wa mambo ya Nje na Ushirikiano wa Afrika Mashariki Balozi Liberata Mulamula amekutana na kufanya mazungumzo na Waziri wa Nchi wa Umoja wa Falme za Kiarabu Mhe. Sheikh Shakhboot Bin Nahyan ambaye ni Mjumbe Maalum wa Mrithi wa Ufalme wa Abu Dhabi na Naibu Kamanda Mkuu wa Majeshi ya Ulinzi ya Umoja wa Abu Dhabi Mhe. Mohamed Bin Zayed Al Nahyan ambapo katika mazungumzo hayo wamegusia suala la ushirikiano katika usafiri wa anga,biashara na uwekezaji.

 

Balozi Mulamula ameongeza kuwa fursa za ushirikiano katika Nyanja za biashara na uwekezaji kati ya Nchi hizo mbili ni kubwa ambapo kwa sasa kikwazo ni ugonjwa wa UVIKO 19 na kwamba baada ya maradhi hayo kumalizika pande zote mbili zitakutana ili kuibua maeneo ya kuchochea ukuaji wa uchumi kwa haraka.

 


 

BALOZI MULAMULA AKUTANA NA UJUMBE MAALUM WA FALME ZA KIARABU UKIONGOZWA NA WAZIRI WA NCHI WA UMOJA WA FALME ZA KIARABU MHE. SHEIKH SHAKHBOOT BIN NAHYAN

Waziri wa Mambo ya Nje na Ushirikiano wa Afrika Mashariki Balozi Liberata Mulamula (Mb) akisalimiana na kumkaribisha Waziri wa Nchi wa Umoja wa Falme za Kiarabu Mhe. Sheikh Shakhboot Bin Nahyan.

 

Mhe. Nahayan yuko Nchini kuwasilisha  Ujumbe Maalum wa Mrithi wa Ufalme wa Abu Dhabi na Naibu Kamanda Mkuu wa Majeshi ya Ulinzi ya Umoja wa Abu Dhabi Mhe. Mohamed Bin Zayed Al Nayhan kwa Rais wa Jamhuri ya Muungano wa Tanzania Mhe Samia Suluhu Hassan.

Waziri wa Mambo ya Nje na Ushirikiano wa Afrika Mashariki Balozi Liberata Mulamula (Mb) akiwa katika mazungumzo na Waziri wa Nchi wa Umoja wa Falme za Kiarabu Mhe. Sheikh Shakhboot Bin Nahyan.

 

Mhe. Nahayan yuko Nchini kuwasilisha  Ujumbe Maalum wa Mrithi wa Ufalme wa Abu Dhabi na Naibu Kamanda Mkuu wa Majeshi ya Ulinzi ya Umoja wa Abu Dhabi Mhe. Mohamed Bin Zayed Al Nayhan kwa Rais wa Jamhuri ya Muungano wa Tanzania Mhe Samia Suluhu Hassan.


Waziri wa Mambo ya Nje na Ushirikiano wa Afrika Mashariki Balozi Liberata Mulamula (Mb) akiwa katika mazungumzo na Waziri wa Nchi wa Umoja wa Falme za Kiarabu Mhe. Sheikh Shakhboot Bin Nahyan pamoja na ujumbe alioambatana nao.

 

Mhe. Nahayan yuko Nchini kuwasilisha  Ujumbe Maalum wa Mrithi wa Ufalme wa Abu Dhabi na Naibu Kamanda Mkuu wa Majeshi ya Ulinzi ya Umoja wa Abu Dhabi Mhe. Mohamed Bin Zayed Al Nayhan kwa Rais wa Jamhuri ya Muungano wa Tanzania Mhe Samia Suluhu Hassan.


Waziri wa Nchi wa Umoja wa Falme za Kiarabu Mhe. Sheikh Shakhboot Bin Nahyan akimsikiliza Waziri wa Mambo ya Nje na Ushirikiano wa Afrika Mashariki Balozi Liberata Mulamula(Mb) (hayupo pichani)  walipokutana kwa mazungumzo

Waziri wa Mambo ya Nje na Ushirikiano wa Afrika Mashariki Balozi Liberata Mulamula (Mb) akimkabidhi zawadi Waziri wa Nchi wa Umoja wa Falme za Kiarabu Mhe. Sheikh Shakhboot Bin Nahyan.

 

Mhe. Nahayan yuko Nchini kuwasilisha  Ujumbe Maalum wa Mrithi wa Ufalme wa Abu Dhabi na Naibu Kamanda Mkuu wa Majeshi ya Ulinzi ya Umoja wa Abu Dhabi Mhe. Mohamed Bin Zayed Al Nayhan kwa Rais wa Jamhuri ya Muungano wa Tanzania Mhe Samia Suluhu Hassan.

 

Tuesday, July 13, 2021

BALOZI MULAMULA AKUTANA NA BALOZI WA MSUMBIJI HAPA NCHINI BALOZI RICARDO MTUMBUIDA

 



Waziri wa Mambo ya Nje na Ushirikiano wa Afrika Mashariki Balozi Liberata Mulamula (Mb) amekutana na kufanya mazungumzo na Balozi wa Msumbiji hapa Nchini Balozi Ricardo Mtumbuida. Balozi Ricardo amekutana na Balozi Mulamula kwa lengo la kujitambulisha kwake na kuzungumzia maeneo ya kipaumbele ya kushirikiana ili kuimarisha mahusiano kati ya Tanzania na Msumbiji
Waziri wa Mambo ya Nje na Ushirikiano wa Afrika Mashariki Balozi Liberata Mulamula (Mb) akiwa katika mazungumzo na Balozi wa Msumbiji hapa Nchini Balozi Ricardo Mtumbuida
Waziri wa Mambo ya Nje na Ushirikiano wa Afrika Mashariki Balozi Liberata Mulamula (Mb) akiwa anafafanua jambo kwa Balozi wa Msumbiji hapa Nchini Balozi Ricardo Mtumbuida
Balozi wa Msumbiji hapa Nchini Balozi Ricardo Mtumbuida akimsikiliza Waziri wa Mambo ya Nje na Ushirikiano wa Afrika Mashariki Balozi Liberata Mulamula (Mb) hayupo pichani walipokutana kwa mazungumzo

BALOZI WA SOMALIA NCHINI TANZANIA, BALOZI ABDI MOHAMED HUSSEIN AAGA BAADA YA KUMALIZA MUDA WAKE WA UWAKILISHI HAPA NCHINI

Waziri wa Mambo ya Nje na Ushirikiano wa Afrika Mashariki Balozi Liberata Mulamula (Mb) akizungumza na Balozi wa Somalia hapa Nchini Balozi Abdi Mohamed Hussein. Balozi Abdi Mohamed Hussein amefika kuagana na Balozi Mulamula baada ya kumaliza muda wake wa uwakilishi hapa Nchini

Balozi wa Somalia hapa Nchini Balozi Abdi Mohamed Hussein akisisitiza jambo wakati alipokutana na kuzungumza na Waziri wa Mambo ya Nje na Ushirikiano wa Afrika Mashariki Balozi Liberata Mulamula (Mb) (hayupo pichani


Waziri wa Mambo ya Nje na Ushirikiano wa Afrika Mashariki Balozi Liberata Mulamula (Mb) akizungumza na Balozi wa Somalia hapa Nchini Balozi Abdi Mohamed Hussein.

Waziri wa Mambo ya Nje na Ushirikiano wa Afrika Mashariki Balozi Liberata Mulamula (Mb) akimkabidhi zawadi  Balozi wa Somalia hapa Nchini Balozi Abdi Mohamed Hussein.Balozi Abdi Mohamed Hussein amefika kuagana na Balozi Mulamula baada ya kumaliza muda wake wa uwakilishi hapa Nchini


Waziri wa Mambo ya Nje na Ushirikiano wa Afrika Mashariki Balozi Liberata Mulamula (Mb) akiagana na  Balozi wa Somalia hapa Nchini Balozi Abdi Mohamed Hussein. Balozi Abdi Mohamed Hussein ameaga baada ya kumaliza muda wake wa uwakilishi hapa Nchini
 

Monday, July 12, 2021

SERIKALI YAKUTANA NA TAASISI,MASHIRIKA NA MABALOZI KUJADILI MAPATO NA MATUMIZI YA BAJETI

Na Mwandishi wetu

Katika kukuza Diplomasia ya Uchumi, kuimarisha na kushirikisha Jumuiya za Kimataifa Serikali imekutana na Mabalozi, Wakuu na Wawakilishi wa Mashirika na Taasisi za Kimataifa zilizopo hapa nchini kujadili Mapato na Matumizi ya Serikali kwa mwaka wa fedha 2021/22 pamoja na mbinu za pamoja za kupambana na ugonjwa wa UVIKO 19.

Mkutano huo umefanyika Dar es Salaam na kuhudhuriwa na Wizara za Kisekta zikiwemo Fedha na Mipango, Viwanda na Biashara, Afya, Maliasili na Utalii, Uwekezaji na Wizara ya Fedha na Mipango – Zanzibar pamoja na Mabalozi na Wawakilishi wa mashirika ya Kimataifa 54 kutoka nchi na taasisi mbalimbali.

Lengo la Mkutano huo pamoja na mambo mengine, ni kuwapitisha Mabalozi na Wawakilishi wa Mashirika ya Kimataifa kwenye Bajeti ya Serikali ya 2021/22, Mipango ya Utekelezaji wake na Maeneo ya Ushirikiano.

Akiongoza Mkutano huo Waziri wa Mambo ya Nje na Ushirikiano wa Afrika Mashariki, Mhe. Balozi Liberata Mulamula (Mb) ametaja sababu za Serikali kukutana na Mabalozi pamoja na Wawakilishi wa Mashirika na Taasisi za Kimataifa ambao pia ni wadau wa maendeleo ili kuwajengea uelewa katika mipango na utekelezaji wa Bajeti ya Serikali ya 2021/22 pamoja na maeneo ya Ushirikiano.

“tumeona tuweke utaratibu wa kukutana na wadau hawa wa maendeleo ili kujenga uelewa wa pamoja katika maeneo muhimu yaliyoainishwa katika bajeti ya Serikali ili waweze kupata picha halisi ya mipango na mikakati ya Serikali katika utekelezaji wa Bajeti,” amesema Balozi Mulamula

Kwa Upande wake Balozi wa nchi za Umoja wa Ulaya (EU) hapa Nchini, Mhe. Manfredo Fanti amesema uamuzi wa Serikali wa kukutana na Mabalozi na Wawakilishi wa Mashirika na Taasisi za Kimataifa umekuwa mzuri sana umesaidia kufahamu mipango na mikakati mbalimbali ya Serikali katika utekelezaji wa bajeti yake ya 2021/22.

“Kupitia mkutano wa leo tumeweza kupata picha halisi ya ushirikiano wetu na Tanzania na umezidi kuimarika lakini pia tumeweza kuona na kujadili baadhi ya vipaumbele vya bajeti ya Serikali ya Tanzania, mipango ya maendeleo jambo ambalo sisi kama wadau wa maendeleo limetuhamasisha kuendelea kushirikiana kwa ukaribu n a uwazi zaidi,” amesema Balozi Fanti   

Mkutano huo umehudhuriwa na Waziri wa Fedha na Mipango, Dkt. Mwigula Nchema (Mb), Waziri wa Viwanda na Biashara, Prof. Kitila Mkumbo (Mb), Waziri wa Maliasili na Utalii, Dkt. Damas Ndumbaro (Mb), Waziri wa Afya, Maendeleo ya Jamii Jinsia, Wazee na Watoto, Dkt. Dorothy Gwajima (Mb), Waziri wa Fedha na Mipango kutoka Serikalini ya Mapinduzi ya Zanzibar, Mhe. Jamal Kassim Ali, Pamoja na Naibu Waziri Wizara ya Uwekezaji Mhe. William Tate Olenasha (Mb).  

Pamoja na Mambo mengine, Mawaziri hao wamepata fursa ya kutoa ufafanuzi katika maeneo yanayohusu wizara zao ikiwa ni pamoja na mipango ya Serikali katika kukuza uchumi, kukusanya mapato, kukuza Viwanda, kuboresha mazingira ya Biashara na Uwekezaji, kukuza utalii na jinsi Serikali inavyojipanga kuboresha sekta ya afya nchini hasa katika kupambana na janga la UVIKO 19. 

Baadhi ya Mawaziri walioshiriki katika Mkutano wa Mabalozi, Wakuu na Wawakilishi wa Mashirika na Taasisi za Kimataifa zilizopo hapa nchini kujadili Mapato na Matumizi ya Serikali kwa mwaka wa fedha 2021/22 pamoja na mbinu za pamoja za kupambana na ugonjwa wa UVIKO 19. Aliyevaa kitenge katikati ni Waziri wa Mambo ya Nje na Ushirikiano wa Afrika Mashariki, Balozi Liberata Mulamula (Mb) akiongoza Mkutano huo.

Waziri wa Mambo ya Nje na Ushirikiano wa Afrika Mashariki, Balozi Liberata Mulamula (Mb) akichangia jambo wakati wa Mkutano wa Mabalozi, Wakuu na Wawakilishi wa Mashirika na Taasisi za Kimataifa zilizopo hapa nchini kujadili Mapato na Matumizi ya Serikali kwa mwaka wa fedha 2021/22 

Sehemu ya Mabalozi, Wakuu na Wawakilishi wa Mashirika na Taasisi za Kimataifa zilizopo hapa nchini wakifuatilia Mkutano 


Balozi wa Canada hapa nchini, Mhe. Pamela O'Donnell akichangia jambo katika Mkutano wa Mabalozi, Wakuu na Wawakilishi wa Mashirika na Taasisi za Kimataifa zilizopo hapa nchini kujadili Mapato na Matumizi ya Serikali kwa mwaka wa fedha 2021/22  

Balozi wa Kenya hapa nchini, Mhe. Dan Kazungu akichangia jambo katika Mkutano wa Mabalozi, Wakuu na Wawakilishi wa Mashirika na Taasisi za Kimataifa zilizopo hapa nchini kujadili Mapato na Matumizi ya Serikali kwa mwaka wa fedha 2021/22

Mwakilishi Mkazi wa Shirika la Maendeleo la Umoja wa Mataifa (UNDP) Mhe. Christine Musisi akichangia jambo katika Mkutano wa Mabalozi, Wakuu na Wawakilishi wa Mashirika na Taasisi za Kimataifa zilizopo hapa nchini  

 

Balozi wa Ufaransa hapa nchini, Mhe. Frederic Clavier akichangia jambo katika Mkutano wa Mabalozi, Wakuu na Wawakilishi wa Mashirika na Taasisi za Kimataifa zilizopo hapa nchini  

Balozi wa Rwanda hapa nchini, Meja Jenerali Charles Karamba akichangia jambo katika Mkutano wa Mabalozi, Wakuu na Wawakilishi wa Mashirika na Taasisi za Kimataifa zilizopo hapa nchini  

Waziri wa Mambo ya Nje na Ushirikiano wa Afrika Mashariki, Balozi Liberata Mulamula (Mb) akiongea na waandishi wa habari leo Dar es Salaam mara baada ya kumalizika kwa Mkutano wa Mabalozi, Wakuu na Wawakilishi wa Mashirika na Taasisi za Kimataifa zilizopo hapa nchini  


Balozi wa nchi za Umoja wa Ulaya (EU) hapa Nchini, Mhe. Manfredo Fanti akiongea na waandishi wa habari mara baada ya kumalizika kwa Mkutano wa Mabalozi, Wakuu na Wawakilishi wa Mashirika na Taasisi za Kimataifa zilizopo hapa nchini